الدجاجة المشاكسة
لاحت لي مزرعة رائعة
تاقت نفسي للراحة بمثل هذا المكان
وكأني أًعاتب مركبتي لما أنزلتني للراحة في مكان مروع
تم الهبوط حيث الخضرة والماء
رأيتهم يلعبون
الريح وأغصان الشجر والطيور
عصفور صغير يتأرجح على غصن برسيم
كلما انحنى الغصن رفرف بجناحيه ليخف وزنه مطلقاً نغمات ساحرة
حمامة تجٍد في بناء عشها بين مفترق غصني شجرة سدر
فراشة تلاحق ظلها بين أزهار أ شجار الليمون
قريباً من مساحة خضراء تعج بأغصان البرسيم
على ضفاف جدول صغير
وجدته مكاناً مناسباً لجلوسي
وإذا بعامل المزرعة يفتح باب الدجاج
ليصولوا ويجولوا بتلك المساحة
سألته لماذا تخرجهم
قال لينظفوا الأرض ويتحركوا
فهمت قصده يريد كسر روتينهم
خرج الدجاج بسرعة إلى درجة أن بعضهن لا تلمس الأرض راكضة
هل تخيلتوا ؟
الديك هو اللي ينظم طلعتهم بقوقاته المشهورة
إحداهن عادت ليتحرّث بالأرض وتنظر إلي نظرات لم افهم منها إلا إنها تريد طعام
رميتها بحجر صغير
صاحت بقوه وغضب وهجمت علي ... استغربت !
لم اعلم أن الدجاجة شجاعة وتهجم
لكنها متأثرة
وفعلاً هي متأثرة وتظنني صاحب المزرعة
رأيت كيس شعير قريباً مني
توقعت لو وضعت لها قليلاً ستهدأ
ما أن وضعت الشعير على الأرض فأنزلت رأسها لتأكل
إلا وبالديك يأتي بسرعة فائقة
طردها وصار ينادي بصوت مختلف عن قوقاته عندما كان ينظم الدجاج
فانسلت دجاجتان ليشاركوه طعامه وهربت دجاجتي
عاد الديك
تنبهت بأن الدجاج أيضا لديهم واسطات ليس فقط نحن بني البشر
أكل الديك ومن معه الشعير وعادت الدجاجة المسكينة
بحكم أني بعالم الخيال أتكلم مع أي شي وأتخيل انه يرد
صار النقاش التالي
نسيت أقول لكم الدجاجة ما تعرف عربي فصيح
لكنها متأثرة
وفعلاً هي متأثرة وتظنني صاحب المزرعة
رأيت كيس شعير قريباً مني
توقعت لو وضعت لها قليلاً ستهدأ
ما أن وضعت الشعير على الأرض فأنزلت رأسها لتأكل
إلا وبالديك يأتي بسرعة فائقة
طردها وصار ينادي بصوت مختلف عن قوقاته عندما كان ينظم الدجاج
فانسلت دجاجتان ليشاركوه طعامه وهربت دجاجتي
عاد الديك
تنبهت بأن الدجاج أيضا لديهم واسطات ليس فقط نحن بني البشر
أكل الديك ومن معه الشعير وعادت الدجاجة المسكينة
بحكم أني بعالم الخيال أتكلم مع أي شي وأتخيل انه يرد
صار النقاش التالي
نسيت أقول لكم الدجاجة ما تعرف عربي فصيح
- قلت للدجاجة ليه الهروب بس جيده تهبلين بي وإلا الديك خوفك
- هذا أميرنا وش أسوي
انا ما خفت منه بس اخاف يحرض الدجاج علي وينتفوني
- اها طيب وش زود هاك الدجاجتين معه ويدلعهم
- هو كل يوم يختار ثنتين لكن بعض الدجاج يجيهم الدور أكثر من غيرهم وحنا ما حنا مثلكم الديك يتحكم
اقصد ما فيه عدل بين زوجاته
- عاد انا قلت الله كلهن زوجاته ذولي اكثر من مية دجاجة
- ايوه كان عندنا ثلاث ديكه وتهاوشوا وراعي المزرعة ذبح اثنين يوم بغى هالشين يموتهم وصار هو لحاله
- اها تقصدين انقلابات عسكرية وحنا عندنا بعد كثير من الدول يصير فيها كذا
- وشي الدول فيه بالدنيا غير هالمكان – هي تقصد المزرعة –
- والله يا انتي دجيجه
- وش يدريني
- يعني ما قد سولفتي مع حمامة والا عصفور واخذتي اخبارهم
- اسكت اسكت ممنوع
عاد انا تذكرت ان لهم سلمهم معشر الدجاج ولا حبيت اتدخل والا كان قلت لها ادخلي انترنت وتثقفي
كأني اشوفها حاطه توقيع صوص يطلع من البيضة وكاتبه تحته اطفالنا اكبادنا
الزبدة تليقفت وسألتها ...
- ليش كلكم طيور ؟
- ايوه إذا صار
حنا نختلف الطيور اللي تطلع برى وترجع
ما نقدر نسولف معهم
والا وش زينها نعرف وين راحوا و وين جو
يمكن يخافون علينا ننحرف أو ما يبوننا نتثقف على شان تتم السيطره علينا عقلياً
- اوهـ كلامك خطير
يعني مثل بعض الطوائف عندنا
تصدقين اني احسب الدجاج ماعندهم عقليه
حنا الضعّيف نسميه دجيجه
- طيب ليش تسولفين معي وهو ممنوع
- ما احد يدري يحسبوني اشحذ
- بعد عندكم شحاذه ؟
سكتت وما بغيت احرجها
انا ابغير الموضوع وسألتها
- انتي تبيضين والا لا
- ايه ابيض لكن ينجحد بيضنا تاخذونه انتم يا دافع البلاء
الوحده تقعد تحرى هالبيضة ومن يوم تبيض تبي تجمعها على شان تشوف عييلها ما ندري وين تروح
واثركم طايحين فيها شكشوكه وعيون
- اصلاً يا نصابه البيضه ماهي فرخ توها مابعد تخلقت
ولا هوب معقول تحنين عليها وهي جماد
سبحان الذي يخرج الحي من الميت ويخرج الميت من الحي
– انتم صبرتوا لين تصير فرخ
لاوالمشكله انكم كل فتره تكبون علينا فراخه ما ادري من وين تجيبونهم
- عندنا الفقاسه
ماتعرفينها تفقس500 بيضه جميع
الدجيجه انهبلت تحسب الفقاسه دجاجه كبيره
- الله اجل وش كبر ديكهم
شكله مرعبها الديك
اذن المغرب وراحت تركض وقالت بكرى الصبح ابجي
- هذا أميرنا وش أسوي
انا ما خفت منه بس اخاف يحرض الدجاج علي وينتفوني
- اها طيب وش زود هاك الدجاجتين معه ويدلعهم
- هو كل يوم يختار ثنتين لكن بعض الدجاج يجيهم الدور أكثر من غيرهم وحنا ما حنا مثلكم الديك يتحكم
اقصد ما فيه عدل بين زوجاته
- عاد انا قلت الله كلهن زوجاته ذولي اكثر من مية دجاجة
- ايوه كان عندنا ثلاث ديكه وتهاوشوا وراعي المزرعة ذبح اثنين يوم بغى هالشين يموتهم وصار هو لحاله
- اها تقصدين انقلابات عسكرية وحنا عندنا بعد كثير من الدول يصير فيها كذا
- وشي الدول فيه بالدنيا غير هالمكان – هي تقصد المزرعة –
- والله يا انتي دجيجه
- وش يدريني
- يعني ما قد سولفتي مع حمامة والا عصفور واخذتي اخبارهم
- اسكت اسكت ممنوع
عاد انا تذكرت ان لهم سلمهم معشر الدجاج ولا حبيت اتدخل والا كان قلت لها ادخلي انترنت وتثقفي
كأني اشوفها حاطه توقيع صوص يطلع من البيضة وكاتبه تحته اطفالنا اكبادنا
الزبدة تليقفت وسألتها ...
- ليش كلكم طيور ؟
- ايوه إذا صار
حنا نختلف الطيور اللي تطلع برى وترجع
ما نقدر نسولف معهم
والا وش زينها نعرف وين راحوا و وين جو
يمكن يخافون علينا ننحرف أو ما يبوننا نتثقف على شان تتم السيطره علينا عقلياً
- اوهـ كلامك خطير
يعني مثل بعض الطوائف عندنا
تصدقين اني احسب الدجاج ماعندهم عقليه
حنا الضعّيف نسميه دجيجه
- طيب ليش تسولفين معي وهو ممنوع
- ما احد يدري يحسبوني اشحذ
- بعد عندكم شحاذه ؟
سكتت وما بغيت احرجها
انا ابغير الموضوع وسألتها
- انتي تبيضين والا لا
- ايه ابيض لكن ينجحد بيضنا تاخذونه انتم يا دافع البلاء
الوحده تقعد تحرى هالبيضة ومن يوم تبيض تبي تجمعها على شان تشوف عييلها ما ندري وين تروح
واثركم طايحين فيها شكشوكه وعيون
- اصلاً يا نصابه البيضه ماهي فرخ توها مابعد تخلقت
ولا هوب معقول تحنين عليها وهي جماد
سبحان الذي يخرج الحي من الميت ويخرج الميت من الحي
– انتم صبرتوا لين تصير فرخ
لاوالمشكله انكم كل فتره تكبون علينا فراخه ما ادري من وين تجيبونهم
- عندنا الفقاسه
ماتعرفينها تفقس500 بيضه جميع
الدجيجه انهبلت تحسب الفقاسه دجاجه كبيره
- الله اجل وش كبر ديكهم
شكله مرعبها الديك
اذن المغرب وراحت تركض وقالت بكرى الصبح ابجي
سأعود مع
زنزانة الأعدام هــــنا
ابو سليمان
الرياض 06-01-2011
ليست هناك تعليقات:
إرسال تعليق