الذنـــــوب

الذنــــــــــــــــــوب
اللي تخوف هالضعيف
في سواد الليل ... يرفع يدينه
يطلبك يا كريم
بسجدته ....
على التراب ... مرغ جبينه
والا دموعه ... ارحم دموع عينه
يسألك مغفره .... وانك تعينه

يرتعش ويتمنى
رحمتك ... يا رحيم
ذلته وانطراحه ... يسألك ياكريم
وإن تركته
ضاعة ايامه سدى
وإن رحمته
انشرح كل المدى

يا رحيم
ارحم دموع الحزن
ارحم قلوبٍ توجع
انت الملك ... واحدٍ ما لك شريك
كل شيٍ بين يدينك

حنا عبيدك ...مالنا غيرك إله
ومالنا عنك هروب
وسط ملكك .... نتنعم في نعيمك

الله اكبر
الملك ويا الغفير ... الفقير ويا الوزير
كلهم يمشون بامرك
يطلبونك ... يسألونك
كلنا بك نستجير .... واللي تجير
يا بخت اللي تجير

الله اكبر
رحمتك فوق التصور
انت الرحيم ... نرتجي منك العفو
ونسألك يا مستجيب ...وما يخيب
من يطلبك مايخيب

انت القوي ... انت الحليم
انت الجواد ... انت الكريم
باقي وغيرك يبور
تبعث اللي بالقبور
الشمس ويا القمر
والأرض ويا النجوم
كلها بامرك تدور

حتى الغيوم
ما تهل امطارها
إلا بعلمك ... وتقديرك
الكون كله .... باسمك يسّبح
تسّبح نجومه والكواكب
بامرك وتقديرك
إلا البشر...ما قدرّوا قدرك
إلا القليل اللي هديت
واللي هديت ... هو الحظيظ

والحظيظ
اللي تجيره من عذابك
كلنا ياكريم ... ناقف ببابك
نطلبك ... تجيرنا من عذابك
نطلبك ... طامعينً في ثوابك
ياكريم ... ارحم قلوبٍ تهابك

ابوسليمان

15/10/2008