يا سكاكين الزمن ... اطعني
ابداوي كل جرحٍ من طعونك
يا زمن اغمد سيوفك والخناجر
لا تسل سيوف غدرك لا تكابر
ما ني خايف
ما تخوفني سيوفك والغدر
يازمن
اَركَب امواجك .... تَحدي
ماني هايب اَركَب امواجك واسافر
يا زمن
في معصمي حبل الرجاء
حبلٍ متين ما ينقطع
ما افكه حتى لو موجك هدر
وان غطتني موجتك
انزل لقاع البحر اجمع درر
وحبل الرجاء في معصمي متمسكٍ به ... ما ينقطع
يا زمن ... وش ها لغدر
لا تظن بقوتك ... تقدر على كل البشر
من تمسك واستعان بخالقه
ما لك على قلبه طريق
ما يهمه يمشي بوسط العاصفة
يا زمن ... وش ها لغدر
لا تظن انك قوي
حتى اليتيم اللي فقد أمه وأبوه
وأظلمت أيامك عليه
ودمعة الحزن بعيونه
يمسك حبال السماء
وما تقدر عليه
يا زمن كّشر أنيابك بعيد
لا ... تعيد
لا تعيد ... هم المساكين
لا تعيد أحزان طفلٍ يرتجي لعبه صغيره
وما قدر ...
وش ها لغدر يا زمن ... وش ها لغدر
هذا قدر
لكن الطفل الصغير ما يعرف انه قدر
وين أبوه ... وين أمه ...
اللي لا بكى تضمه
كلهم راحوا بسكين الغدر
وش ها لغدر يا زمن .... وش ها لغدر
ابو سليمان
21/11/2008
هناك تعليقان (2):
كلمات تنبعث من روح صافيه
لتغزو المشاعر وتبعثر الآهات
تلمت يمناك
تسلم/ين
غير معروف الله يحييك انورت المدونة بقدومك
اشكرك الله لايهينك
إرسال تعليق