الأمل
شمعةٍ تلعب بها الريح
كانت أمل ... وانطفت
وضاع الأمل
وين الأمل ... وين الأمل ؟
نرتجي يومٍ جديد
ننتظر فجر الليالي
مع طلوع ... الشمس
لحظة أمل
تطلع الشمس وتغيب
ونرتجي يومٍ جديد
وين الأمل ...؟
الأمل
طفلةٍ مثل القمر
مثل القمر ... يوم اكتمل
وش ذنبها... ؟
ذنبها ...! كانت فقيرة
تحلم بحلوى ... صغيرة
شفتوا ... هالدنيا حقيرة
في سكون الليل...
خايفه ...
قلبها يخفق خفوق
ترتجي لحظة شروق
فيها أمل
هذا الأمل ... وين الأمل ؟
الأمل
بين لحظات الألم
وبين صرخات السكوت
والليالي المظلمة
تشتعل...
شمعة صغيرة
ترقص مع النسمات
تقهر ظلام الكون
صارت الظلماء أسيرة
يا ناس هالدنيا حقيره
هذا الأمل ... ؟
الأمل
مثل غيمٍ من بعيد
بالأفق برقه يزيد
هبت رياح الجنوب
ساقته ...
يا زينها من هبوب
يوم جانا ... في سمانا
وهلت أمطاره علينا
انتشينا ...
كننا في يوم عيد
الأمل
عابدٍ في مسجده
قبل الإقامة
يرفع يدينه
يطلب من الله يعينه
تذرف الدمعات عينه
يرتجي لحظة أمل
هذا الأمل ... هذا الأمل
ابو سليمان
هناك تعليق واحد:
ماشاء الله عليك مميز ومبدع دوما...
الله يعطيك الف عافيه...
إرسال تعليق